Diabetes Mellitus လို့ခေါ်တဲ့ ဆီးချိုရောဂါဟာ ဘာလို့သတိထားကုသသင့်တာလဲ?
ကမ္ဘာတစ်ဝှမ်းမှာ ဆီးချိုရောဂါဟာ ကုသရခက်ခဲတတ်ပြီး အဖြစ်အများဆုံး ရောဂါတွေထဲကတစ်ခု ဖြစ်ပါတယ်။💯
💢ဆီးချိုရောဂါကို အများစုသိထားတာကအချိုအရမ်းစားရင် ဖြစ်တတ်တယ်ဆိုကြပေမယ့် ပိုပြီးအဖြေရှာရရင် ခန္ဓာကိုယ်ထဲက သကြားဓာတ်တွေကို ချေဖျက်ဖို့ လုံလောက်တဲ့ insulin ဟော်မုန်း ပမာဏကို မထုတ်လုပ်နိုင်တာကြောင့်ပဲဖြစ်ပါတယ်။
💢လူတစ်ချိုမှာ ဆီးချိုရောဂါဟာ မျိုးရိုးလိုက်တာကြောင့်ဖြစ်တတ်ပြီး၊ တစ်ချို့မှာတော့ အချိုဓာတ်တွေကို ပုံမှန်ထက် လွန်ကဲစွာနေ့စဉ်နီးပါး စားသုံးနေတာကြောင့် အချိန်ကြာလာတဲ့အခါမှာ ဆီးချိုရောဂါ ရလာတာ ဖြစ်ပါတယ်။
ဆီးချိုရောဂါဖြစ်ရင် ဘာလို့ သတိထားရတာလဲ?
💢ဆီးချိုရောဂါဖြစ်ရင် သတိအထားရဆုံးဟာ ခန္ဓာကိုယ်ထဲရှိဆီးချိုပမာဏဖြစ်ပါတယ်။
လူတစ်ယောက်နဲ့ တစ်ယောက် ခန္ဓာကိုယ်အချိုးအစား၊ နေထိုင်စားသောက်မှု အစရှိတာတွေပေါ်မူတည်ပြီး ကုသရ ခက်ခဲတာ လွယ်ကူတာ ကွဲပြားသွားပါတယ်။
💢ကုသရခက်ခဲပြီး ဆီးချိုရောဂါကြာရှည်နေတာ တစ်နည်းအားဖြင့် ခန္ဓာကိုယ်ထဲရှိဆီးချိုပမာဏက အမြဲတစေ အရမ်းတက်နေတယ်ဆိုရင် ခန္ဓာကိုယ်မှာထိခိုက်ဒဏ်ရာတစ်ခုခုရရင် ပုံမှန်ထက် အနာကအကျက်နှေးခြင်း၊ သွေးကြောတွေကိုထိခိုက်ပြီး အဲ့ဒီကနေမှတစ်ဆင့် နှလုံး၊ ကျောက်ကပ်၊ ဦးနှောက်၊ ခြေထောက်၊ မျက်လုံး အစရှိတဲ့ အစိတ်အပိုင်းတွေရဲ့ ပုံမှန်လုပ်ဆောင်ချက်တွေကိုပါ ထိခိုက်လာပြီး နောက်ဆက်တွဲ ရောဂါတွေပါ ရလာနိုင်ပါတယ်။
👇အဲ့ဒါဆို ဆီးချိုရောဂါရှိမှန်း ဘယ်လိုအရာတွေကနေ သတိထားမိနိုင်လဲ?
➖ပုံမှန်ထက်ပိုပြီး အထူးသဖြင့် ညဖက်တွေမှာ ဆီးခဏခဏ သွားခြင်း
➖ရေအရမ်းငတ်ခြင်း
➖လေ့ကျင့်ခန်းလုပ်လို့၊ အစားအသောက်ရှောင်လို့ မဟုတ်ဘဲ ပုံမှန်ထက် ခန္ဓာကိုယ် အလေးချိန်ပိုကျခြင်း
➖ခြေတွေလက်တွေ ထုံကျဉ်သလို ခံစားရခြင်း
➖အချိန်တိုင်းလိုလို အရမ်းပင်ပန်းနေတတ်ခြင်း
အစရှိတဲ့ အရာတွေ ခံစားနေရပြီဆိုရင် သတိထားပြီးဆေးစစ်သင့်ပါတယ်။
🚫ဆီးချိုရောဂါမဖြစ်အောင် ဘယ်လို ကာကွယ်ရမလဲ?
ဆီးချိုရောဂါဖြစ်လာရင်ရော ဘယ်လိုကုသရမလဲ?
💢ကျွန်မတို့ နေ့စဉ်စားသုံးနေတဲ့ အရာတော်တော်များများမှာ သကြားဓာတ်ကပါနေတာတက်တာမို့ သဘာဝမဟုတ်ဘဲ ဆိုးဆေးတွေပါတဲ့ အစားအသောက်တွေ၊ ကြာရှည်ခံ အစားအသောက်တွေက ပိုမိုလွန်ကဲတဲ့ သကြားဓာတ်တွေပါနိုင်ပါတယ်။
ဒါပေမယ့် အစားအသောက်တိုင်းကို နေ့စဉ် ရှောင်ဖို့ဆိုတာလည်း ပြောသလောက် မလွယ်ကူနေပါဘူး။
ဒါကြောင့် အထက်မှာ ဖော်ပြထားတဲ့ လက္ခဏာအများစုကို ခံစားနေရပြီဆိုရင်တော့ ဆရာဝန်ကြီးများနဲ့ ပြသ ဆေးစစ်ကြည့်ပြီး ရောဂါတစ်ကယ်ရှိမရှိကို အဖြေရှာသင့်ပါတယ်။
ဆေးစစ်အဖြေများအရ ဆီးချိုရောဂါရှိမနေရင်တောင်မှပဲ သွေးတွင်းသကြားဓာတ်များတယ်လို့ ပြသခဲ့ရင် အရမ်းချိုလွန်းတဲ့ အစားအသောက်တွေ လျှော့စားခြင်း၊ ပုံမှန်လေ့ကျင့်ခန်း လုပ်ခြင်းမျိုးတွေ လုပ်သင့်ပါတယ်။
💢အကယ်လို့ ဆေးစစ်ချက်အဖြေမှာ ဆီးချိုရောဂါတွေ့ရှိခဲ့ရင်တော့ ဆရာဝန်ကြီးများ ညွှန်းပေးတဲ့ ဆေးဝါးများသောက်သုံးခြင်း၊ နေ့စဉ်အစားအသောက်မှာအချိုတွေကို အတတ်နိုင်ဆုံး ရှောင်ကြဉ်ခြင်း၊ လေ့ကျင့်ခန်းလုပ်ခြင်း၊ (၆)လ သို့မဟုတ် (၁)နှစ်တစ်ခါ ပုံမှန်ဆေးစစ်ခြင်းတို့ဖြင့် ဆီးချိုရောဂါကို သေချာကုသနိုင်ပါတယ်။
